मी मेघ असते तर
गर्जत आले असते
तुला पुकारात विहरतांना, तुला
चकवून गेले असते...
मी वीज असते तर
लखलखत आले असते
तेजाने स्पर्शून मी, तुला
दिपवून गेले असते...
मी वारा असते तर
घोंघावत आले असते
कधी हळवी झुळुक होऊन, तुला
शहारुन गेले असते...
पण मी धारा झाले
धो-धो बरसत आले
तुला चिंब करतांना, मी
तुझ्यातच विरून गेले...!
skip to main |
skip to sidebar
नमस्कार मंडळी! माझ्या ब्लॉगवर आपले मन:पूर्वक स्वागत आहे. मनातले भाव शब्दरूपाने या ब्लॉगच्या कॅन्वसवर चितारण्याचा हा माझा एक प्रयत्न! चित्र किती रेखीव होतय यापेक्षा किती मनापासून काढलंय याला महत्व आहे. तेव्हा बघूया ही रंगसंगती मनाला किती भावते ते!
1 टिप्पणी:
Superb!!!! All the best
टिप्पणी पोस्ट करा